ХААИС-ийн Агроэкологи Бизнесийн сургуулийн хамт олон дотуур байранд амьдардаг оюутнууддаа зориулан хандивын аяныг өрнүүлж байна.

Хөл хорионы дэглэмд шилжиж, хичээл сургалтын үйл ажиллагаа цахимаар явагдаж байгаатай холбогдуулан тус сургуулийн захиргаа оюутны дотуур байранд амьдардаг 90 орчим оюутнуудын цахим хичээлдээ хамрагдах боломжийг бүрдүүлэх, хувийн халдваргүйтгэлийн дэглэм баримтлах, дархлаа дэмжих шим тэжээлтэй хоол хүнсээр хангах зорилтуудын хүрээнд дараах ажлуудыг амжилттай зохион байгуулаад байна. Үүнд:

1. Дотуур байранд ариутгал халдваргүйтгэлийн ажлыг мэргэжлийн байгууллагын зөвшөөрөлтэйгээр өдөр бүр хийж байна. 
2. Цахим хичээлдээ хамрагдах боломжийг бүрдүүлэх үүднээс үүрэн телефоны операторуудтай хамтран ажиллаж хичээлийн багцад датаг үнэ төлбөргүйгээр ашиглах зохицуулалтыг хийсэнээс гадна дотуур байрны давхар бүрт өндөр хурдны wifi төхөөрөмжийг байрлуулж өгсөн.
3. Багш ажилтан, ажилчид тус сургуулийн төгсөгчдийн дунд хандивын аяныг өрнүүлж мөнгөн дүнгээр тооцон үзвэл 3 сая 200 мянган төгрөгний эд материал бэлэн мөнгө цугларсан байна. Оюутнуудад шаардлагатай бараа, бүтээгдэхүүнийг тодруулах үүднээс дотуур байранд амьдардаг оюутнуудаас санал асуулга авч зайлшгүй шаардлагатай зүйлсийн жагсаалтыг гарган оюутнууддаа цаг алдалгүй хүргэлээ.

   Мөн түүнчлэн хандивын аяны хүрээнд хувийн ариун цэврийн бүтээгдэхүүн, халдвараас хамгаалах гар ариутгагч, маск, өрөө тасалгаа цэвэрлэх ариутгалын бодис, дархлаа дэмжих бүтээгдэхүүн, өргөн хэрэглээний хүнсний зүйлс болох мах, гурил, будаа, нарийн боов боорцгийг хүртээмжтэйгээр түгээлээ.

4. Хөл хорионы үед ажиллах шуурхай ажлын хэсэг байгуулан төрийн захиргааны төв байгууллага, Монголын их, дээд сургуулиудын консерциум, УОК, АОК, Мэргэжлийн хяналтын газруудаас ирүүлсэн 10 гаруй маягтуудын дагуу судалгааг явуулж ажиллалаа.

Дашрамд дурьдахад манай хандивын аянд идэвхи санаачлагатай оролцож байгаа хамт олондоо болон тус сургуулийн 2019 оны Нягтлан бодох бүртгэл мэргэжлийн ангийн төгсөгч Дэлгэрэх хүнс ХХК-ын захирал М.Баяртогтох, 2006 оны Экологи байгаль хамгаалал ангийн нийт төгсөгч нартаа талархсанаа илэрхийлж байна.

СУРГУУЛИЙН ЗАХИРГАА