“Хүрээлэн буй орчин 2022” үндэсний эрдэм шинжилгээний хурал ХААИС-ийн Дархан-Уул аймаг дахь салбар сургууль дээр 2022 оны 11 сарын 30-ны өдөр амжилттай болж өндөрлөлөө.

Хурлын үйл ажиллагааг дэмжиж Дархан-Уул аймгийн Засаг даргын Тамгын газар, Дархан сумын Засаг даргын Тамгын газар, Грийндэнд прайндли ХХК, МУИС, МГТИС, ХААИС-ийн Дархан-Уул аймаг дахь салбар сургуулиуд нийгмийн түншлэлийн хүрээнд хамтран ивээн тэтгэж оролцов.

Хуралд ШУА-ийн харьяа хүрээлэнгүүд, БОАЖГ, УЦУОШТ, МУИС, МГТИС, ХААИС зэрэг 8 байгууллагын эрдэмтэн, судлаач, магистрант оюутнууд оролцож 30 илтгэл хэлэлцүүллээ. Хурлын үйл ажиллагаанд баяр хүргэж ХААИС-ийн Дархан-Уул аймаг дахь салбар сургуулийн захирал доктор П.Ганхуяг, Дархан-Уул аймгийн Дархан сумын засаг дарга Т.Тулгаа, Монголын хүрээлэн буй орчны инженер мэргэжилтнүүдийн нийгэмлэгийн захирал доктор А.Жавхлан нар үг хэллээ.

Магистрант оюутны эрдэм шинжилгээний хуралд 13 илтгэл хэлэлцэгдэж шилдэг илтгэгч нарыг шалгаруулав. Үүнд:

1- р байр. Г.Батцэцэг (Удирдагч багш доктор П.Мэнд-Амгалан). ХААИС-ийн Дархан дахь салбар сургуулийн магистрант. “Архангай аймгийн Өгий нуурын аялал жуулчлалын даацын судалгаа”

2- р байр.  Н.Энххүслэн (Удирдагч багш доктор П.Содгэрэл). ХААИС-ийн Дархан дахь салбар сургуулийн магистрант. “Орон сууцны үнэлгээнд байршлын нөлөөлөл бүхий бүсчлэлийн асуудалд”

3- р байр. Б.Номин (Удирдагч багш доктор, профессор Н.Амгалан). МУИС-ийн магистрант. “Seasonal variation of nitrated, oxygenated Polycyclic Aromatic Hydrocarbons in three cities of Northeast Asia”

Тусгай байр. Б.Бямбахорол (Удирдагч багш доктор, дэд профессор Г.Гантуяа). МГТИС-ийн магистрант. ”Монгол гэр доторх нүүрстөрөгчийн дутуу ислийн тархалтыг загварчилсан үр дүнгээс”

Тусгай байр. Т.Болорчимэг (Удирдагч багш доктор, дэд профессор Л.Жамбажамц). МУИС-ийн магистрант. “Газар ашиглалт болон уур амьсгалын өөрчлөлтөөс гадаргын усны нөөцөд үзүүлэх нөлөөллийг үнэлэх нь”

Эрдэм шинжилгээний хуралд оролцсон нийт профессор багш, судлаач, магистрант,  оюутнуудад баяр хүргэж, цаашдын судалгаа, хөгжүүлэлтийн ажилд нь өндөр амжилт хүсье.

https://fb.watch/h9tpUEPL0v/